Ketu ne vazhdim ne slide mund ti shihni lajmet me te reja nga Teknologjia
Listes se njohjes se shtetit me te ri ne bot shtetit te Kosoves i shtohet edhe Google. Mirpo kjo njohje eshte realitet virtual tanime shtetasit Shqipetar te Kosoves mund ta kerkojn ne sherbimin “Google Adwords” si Kosovo.Shërbimi për gjetjen e fjalëve që kërkohen shpesh në motorin e kërkimit Google, i cili mundëson edhe hapjen e ndonjë fushate për reklamim të ndonjë produkti apo shërbimi, tashmë iu mundëson bizneseve nga Kosova që të kenë si shënjestër përdoruesit e motorit kërkimor Google në shtetin e Kosovës.
Rockstar spo ka njoftuar se do lëshojë lojën Grand Theft Auto: San Andreas në versionin mobil. Kjo lojë e popullarizuar do të jetë në dispozicion në Android, iOS dhe Windows Phone që nga muaji Dhjetor. Çmimi dhe data e saktë e debutimit ende nuk janë zbuluar. RockStar tashmë ka lëshuar GTA III dhe GTA:Vice City për pajisjet mobile, pra ne mendojmë se nuk do kalojë kohë e gjatë dhe do bëhet edhe debutimi i GTA: San Andreas. Po ashtu, kompania RockStar premtoj se do ketë disa përditësime të reja rreth grafikës dhe disa rregullime të tjera për kontrollim sa më të stabil
Samsung ka lansuar pajisjen Galaxy Grand 2, një pajisje e menqur me ekran 5.25 inç që është pasardhës i pajisjes Galaxy Grand, e cila po ashtu njihet si pajsje me ekran të madh. Pajisja ka një ekran me madhësi 1280×720, procesor Quad-Core 1.2 GHz, 1.5 GB RAM, 8GB hapsirë dhe kamerë 8 mega-piksel. Dimensionet e pajisjes Grand 2 janë 146.8 x 75.3 x 8.9 mm dhe 163g, bateri 2.600 mAh. Pajisje vjen me hapsirë për dy SIM kartela dhe sistem operativ Android 4.3 Jelly Bean. Galaxy Grand 2 do të jetë në dispozicion në tri ngjyra, të zezë, bardhë dhe rozë. Çmimi dhe data e saktë e daljes në treg ende nuk janë zbulur.
Google ka investuar 80 milionë dollarë për krijimin e gjashtë centraleve të reja solare/diellore në Kaliforni dhe Arizonë në mënyrë që të sigurojë energji të mjaftueshme elektrike për 17.000 shtëpi në Shtetet e Bashkuara. Ky është investimi i 14 që kompania Google ka bërë në fushën e energjisë. Kompania deri tani ka dhuruar më shumë se 1 miliardë dollarë që prej vitit 2010 sa i përket projekteve solare dhe atyre me anë të erës. Bazuar në postimin e bërë nga Google, projektet kanë një kapacitet të kombinuar prej 106 megavat, ndërsa përmes qymyrit mund të prodhohet energji 600-700 megavat, përmes centraleve bërthamore 900-1300 megavat. Google aktualisht merr 33 përqind e energjisë nga burimet e saj të rinovuara por shpreson që të merrë 100 përqind të energjisë në disa pika.
IPKO njofton se brenda 20 minutave të para me 3G, më shumë se 9500 përdorues të saj tashmë janë duke e përdorur rrjetin 3G.Pakot e 3G fillojnë prej 1.95 euro. Pakoja hyrëse me internetin 3G do të jetë pako MINI e cila do të ofrojë 300 megabajt w do të kushtojë vetëm 1.95 euro për muaj. Pakoja e dytë me 500 megabajt internet 3G është pakoja MIDI, e cila do të kushtojë 3.95 euro për muaj. Ndërsa, pakoja MAXI e cila ofron 1GB internet 3G do të kushtojë 4.95 euro për muaj. Të gjitha pakot e internetit në mobil nga IPKO do të marrin edhe 5GB internet WiFi falas.
Sipas një raporti të fundit medial thuhet se Apple ka paguar 578 milionë dollarë për kompaninë GT Advanced Technologies, e cila do ti përdor këto fonde për ta përshpejtuar procesin e zhvillimit të kapaciteteve të saj. Furrat e kësaj fabrike do të përdoren për të prodhuar material të lirë, por edhe sasi të safirit, i cili më pas do të përpunohet për tu përdorur në iPhone 6. Xhami prej safari në iPhone 6 besohet se do të jetë 2.5 herë më jetëgjatë sesa Corning Gorilla Glass, dhe i njëjti do të jetë rezistent ndaj gërvishtjeve. Edhe pse nuk dihet asgjë për datën e lansimit të iPhone 6 apo formën dhe dizajnin e këtij modeli, besohet se i njëjti do t’i përngjajë mjaft shumë modeleve ekzistuese iPhone 5 dhe iPhone 5S.
Mbi 1 milion kosovarë përdorin internetin, me një përqindje gati identike me vendet e zhvilluara, thotë një raport i publikuar nga STIKK. Depërtimi i Kosovës në internet, bazuar në përdoruesit është 76.6 për qind, përqindje kjo pothuajse e njëjtë me ato në vendet e zhvilluara, ku sipas një raporti të Unionit Ndërkombëtar të Telekomunikacionit depërtimi i internetit është 77 për qind.Përqindja e popullsisë rurale që përdor internetin është 77,7 për qind, për dy pikë më e lartë se ajo urbane që përdor internetin me 75 për qind.Ky vlerësim është bërë nga Shoqata për Teknologji të Informacionit dhe Komunikimit e Kosovës STIKK, e cila ka përgatitur një raport rreth përdorimit të internetit në Kosovë.
![[IMG]](http://www.wikihow.com/images/d/d3/23-08-2012-01-42-02.jpg)
